आमदार प्रणिती शिंदे यांच्या प्रयत्नाला यश...कोरोना काळातील विद्यार्थी, व नागरिकांवर कलम 188 च्या अंतर्गत दाखल झालेले गुन्हे मागे घेणार, गृहमंत्री दिलीप वळसे पाटील यांची घोषणा
सोलापूर - 2020 पासून राज्यात कोरोना महामारीचा प्रलय सुरु असून यामध्ये लॉकडाऊनमध्ये विद्यार्थी व सुशिक्षित बेरोजगार तरुणांवर 188 कलमान्वये गुन्हे दाखल झाले आहेत. यामुळे सदर युवकांना नोकरीच्या ठिकाणी, पासपोर्ट व सर्वच ठिकाणी चारित्र पडताळणीच्या वेळी गुन्हेगार असल्याचे दर्शवून अडथळा होत आहे. सोलापूरातील तरुणांना नोकरीच्या वेळेस यामुळे मोठी अडचण होत असून नोकरीमध्ये निवड झालेल्या तरुणांना नोकरी गमवावी लागली आहे.
खरेतर कोरोना ही नैसर्गिक आपत्ती असून या काळात जीवनावश्यक गरजांकरीता घराबाहेर पडलेले तरूण हे निश्चितच सराईत गुन्हेगार, दंगेखोर नाहीत परंतू त्यांना या भयंकर नाहक समस्येला सामोरे जाव लागत आहे. राज्यात अशाप्रकारे गुन्हे दाखल झालेले लाखो तरुणांचे करीयर, भविष्य उध्वस्त होईल की काय ? अशी भितीदायक स्थिती निर्माण झाली आहे.
यासंदर्भात अनेक विद्यार्थी व नागरिकांनी आमदार प्रणिती शिंदे यांच्याकडे निवेदन देवून याप्रश्नी मदत करण्याची मागणी केली आहे.
यासंदर्भात आमदार प्रणिती शिंदे यांनी महाराष्ट्र राज्याचे मा. मुख्यमंत्री श्री. उध्दव ठाकरे साहेब, मा. गृहमंत्री श्री. दिलीप वळसे पाटील साहेब व मा. गृह राज्यमंत्री, श्री. सतेज पाटील साहेब यांच्याकडे आपण अत्यंत सहानुभुतीने या प्रश्नी लक्ष घालून विद्यार्थी, बेरोजगार, नोकरीच्या शोधातील उमेदवार युवा-युवतींवर दाखल 188, 269, 336 कलमाचे गुन्हे त्वरीत मागे घेण्याकरीता तात्काळ धोरणात्मक निर्णय घेण्यात येवून तरुण पिढीला गुन्हेगार म्हणून नोंदलेला डाग पुसुन दिलासा द्यावा अशी निवेदनाव्दारे मागणी केली होती. तसेच विधानसभेच्या हिवाळी अधिवेशनात गुन्हे मागे घ्यावेत म्हणून आवाज उठविला होता.
आज रोजी महाराष्ट्राचे गृहमंत्री मा. दिलीप वळसे पाटील यांनी घोषणा केली की, कोरोना काळातील सोलापूरसह महाराष्ट्रातील विद्यार्थी व नागरिकांवर कलम 188 च्या अंतर्गत जवळपास दहा हजारावर दाखल झालेले गुन्हे मागे घेण्याची घोषणा केली आहे. लवकरच त्याची अंमलबजावणी होणार आहेत. त्यामुळे विद्यार्थी व नागरिकांना यामुळे दिलासा मिळणार आहे. विद्यार्थी व नागरिक आमदार प्रणिती शिंदे यांचे आभार व्यक्त करत आहेत.
कोणत्याही टिप्पण्‍या नाहीत:
टिप्पणी पोस्ट करा